Jólastöðin er komin í loftið

Elma Rut Valtýsdóttir skrifar 1. nóvember 2021 17:00

Jólabörn geta ný hlustað á jólalög allan sólarhringinn á Jólastöðinni 96,7. Getty/Deagreez

Jólabörn landsins geta glaðst yfir því að Jólastöð LéttBylgjunnar er komin í loftið. Líkt og á hverju ári breytist LéttBylgjan 96,7 í Jólastöðina nokkrum vikum fyrir jól þar sem jólalögin hljóma allan sólarhringinn.

Jólastöðin er eina stöðin á landinu sem spilar einungis jólalög og hafa hlustendur tekið stöðinni fagnandi á hverju ári.

Jólin eru þó mætt á fleiri staði en Jólastöðina. Verslunin Costco var komin í jólaskap í september. Jólageitin er komin upp og er hangikjötið komið á boðstólinn í Ikea. Þá eru piparkökur, jólakökur, jólaöl og jólabjór einnig komin í búðir, ásamt því að jólaljós eru farin að spretta upp á hinum ýmsu stöðum.

Hvort sem þú ert komin í jólaskapið strax eða ekki, þá eru jólalögin óumflýjanlegur hluti af jólaundirbúningnum og færir Jólastöðin þér þau beint í æð.

Hér fyrir neðan má hlusta á Jólastöð LéttBylgjunnar:

Jól Tónlist Fjölmiðlar

Tengdar fréttir

Jólabjórsins beðið í skugga aukins fjölda smitaðra

Í dag er J-dag, dagurinn sem unnendur jólabjórs bíða í ofvæni eftir á ári hverju. Jólabjórinn frá Tuborg er nefnilega ekki seldur fyrr en að kvöldi J-dags. Jólabjórþyrstir létu uppsveiflu kórónuveirufaraldursins ekki stöðva sig og krár bæjarins iða af lífi.

29. október 2021 20:42

Jólin komin á fullt í Rúmfatalagernum

Ljósaseríur og luktir vinsælar til að lýsa upp skammdegið.

21. október 2021 08:46

Jólin eru komin í Costco

Í dag, 23. september, er búið að setja upp jólaskraut á heilu gangana í stórversluninni Costco í Garðabæ. Fyrstu haustlægðirnar eru að fara yfir landið og Costco virðist komið í bullandi jólaskap.

23. september 2021 15:30

100 dagar til jóla: „Það eru gestirnir sem koma með jólin til mín“

Slagorð Ikea hefur löngum verið „Jólin þín byrja í Ikea“. Síðustu ár hafa jólin komið í Ikea í október en nágranninn Costco hefur nú þegar hafið sölu á einstaka jólavöru og þar geta jólabörn nú þegar fest kaup á mannhæðarháum hnotubrjót, jólaljósum og gjafapappír.

15. september 2021 15:04