Innlent

Gefur kost á sér í 2. sætið

Birkir Jón Jónsson, alþingismaður, gefur kost á sér í 2. sæti Framsóknarflokksins í Norðausturkjördæmi. Birkir hefur verið þingmaður Framsóknarflokksins síðan árið 2003. Áður var hann aðstoðarmaður félagsmálaráðherra, 2000-2003.

Flugfélag Íslands hefur flug til Eyja á mánudag

Flugfélag Íslands hefur áætlunarflug til Vestmannaeyja næsta mánudag eftir að samkomulag tókst við Vegagerðina um tíu mánaða samning. Hann verður undirritaður í dag að viðstöddum samgönguráðherra og í honum er gert ráð fyrir þrettán flugferðum milli Reykjavíkur og Eyja í viku.

Til foreldra ungra ökumanna

Endurvekja námskeið fyrir unga ökumenn

Umferðarstofa og Sjóvá Forvarnahúsið hafa ákveðið að endurvekja námskeið fyrir unga ökumenn sem Sjóvá hefur staðið fyrir síðastliðinu níu ár. Samstarfssamningur þar að lútandi var undirritaður í gær.

Búist við mikilli umferð vegna landsleiks

Búist er við mikilli umferð vegna landsleiks Íslendinga og Svía á Laugardalsvelli í kvöld. Lögreglan í Reykjavík beinir því til knattspyrnuáhugamanna að þeir leggi tímanlega af stað og sýni þolinmæði, ekki síst eftir leikinn en þá verður umferðin væntanlega enn þyngri.

Fyrsti snjór vetrarins á Norðurlandi

Fyrsti snjór vetrarins féll í byggð víða á Norðurlandi í gærkvöldi og gerði meðal annars fljúgandi hálka á götum Akureyrar og er hún enn. Hálka er líka á fjallvegum fyrir norðan. Þrátt fyrir að margir aki enn á sumardekkjum er ekki vitað um óhöpp eða slys vegna þessarar óvæntu hálku.

Auðlindanefnd skilar niðurstöðum í dag

Auðlindanefnd, sem skipuð var fyrr árinu til þess að gera tillögur um nýtingu auðlinda í jörðu, hefur skilað af sér skýrslu og verður hún kynnt á blaðamannafundi klukkan ellefu í dag.

Ráðherra vill þyngri refsingar fyrir brot gegn valdstjórninni

Maður sem skaut af haglabyssu í efri byggðum Reykjavíkur fyrir skömmu mundaði byssuna skammt frá lögreglumönnum sem náðu að yfirbuga hann. Þá var fíkniefnasali handtekinn á föstudag með fullhlaðna skammbyssu. Dómsmálaráðherra vill þyngja refsingar fyrir brot gegn lögreglumönnum.

Íslenskar bringur fjórfalt dýrari en danskar

Gríðarlegur verðmunur er á innkaupakörfu keyptri í Danmörku og á Íslandi í dag. Þar vega þyngst kjúklingabringur sem eru rösklega fjórfalt dýrari í íslensku körfunni. Sextán prósenta lækkun ríkisstjórnarinnar á matarverði hrekkur skammt til að draga úr þeim mun.

Þögn ríkir meðal stjórnenda Alcan um alvarlega stöðu í starfsmannamálum

Rannveig Rist, forstjóri Alcan í Straumsvík, vill ekki tjá sig um starfsmannamál fyrirtækisins, þrátt fyrir alvarlega stöðu, eins og formaður Félags járniðnaðarmanna orðar það. Hann segir ennfremur að þögnin sýni að stjórnendur hafi ekki hreina samvisku.

82 nöfn á vitnalista ákæruvaldsins

Áttatíu og tvö nöfn eru á vitnalista ákæruvaldsins, sem lagður var fram í Héraðsdómi Reykjavíkur, í fyrirtöku í Baugsmálinu, í dag.

Ljósmyndasýning frá leiðtogafundi

Baugsmenn kæra til Mannréttindadómstóls Evrópu

Sími Jóns Baldvins hleraður meðan hann var utanríkisráðherra

Tímasetning orkar tvímælis

Tímasetning á aðgerðum ríkisstjórnarinnar til að lækka matarverð orkar tvímælis segir Grétar Þorsteinsson, forseti ASÍ. Hann er ekki bjartsýnn á að nógu hratt dragi úr þenslu.

Umhverfisstofnun er misheppnuð að mati Ríkisendurskoðunar

Bandarískt flugmóðurskip til Reykjavíkur

Fjörutíuþúsund tonna bandarískt flugmóðurskip kemur til Reykjavíkur í þessari viku, og segir í tilkynningu frá Bandaríska sendiráðinu að það sé í samræmi við samkomulag landanna um að viðhalda og styrkja samstarf í öryggismálum, í kjölfar þess að herstöðinni á Keflavíkurflugvelli var lokað.

Akureyrarlöggan messar yfir börnum

Vetrarfærðin

Nýtt 4000 manna verkalýðsfélag

Vegagerðin hóf útboð á ný

Vegagerðin bauð í dag út þrjú verk. Geir H. Haarde, forsætisráðherra, tilkynnti í síðustu viku að myndast hefði svigrúm til að hefja samgöngubætur á ný en í júní voru öll útboð vegna Vegagerðar stöðvuð.

Virðisaukaskattur af veggjöldum um Hvalfjarðargöng lækkaður

Virðisaukaskattur af veggjöldum um Hvalfjarðargöng verður lækkaður úr 14% í 7% þann 1. mars 2007. Tekin var ákvörðun um þetta á fundi ríkisstjórnarinnar í morgun.