Fjór­tán ára undra­barn valdi Man. City

Cavan Sullivan er fæddur árið 2009 og spilar með Philadelphia Union í Bandaríkjunum. Um helgina kom það fram hjá Fabrizio Romano að strákurinn sé búinn að ákveða það að spila með Manchester City í framtíðinni.

Sullivan verður hluti af unglingaakademíu City sem hefur skilað ungum leikmönnum upp í stjörnuprýtt aðallið félagsins.

Sullivan hefur verið kallaður mest spennandi fjórtán ára fótboltastrákur í heiminum og þjálfari hans hjá Philadelphia Union hrósar honum fyrir að láta lofið ekki rugla í sér heldur sé hann með báða fætur á jörðinni.

Sullivan er fæddur í lok september 2009 og verður því ekki fimmtán ára fyrr en í haust. Eldri bróðir hans Quinn spilar með Philadelphia Union liðinu.

Sullivan er sóknartengiliður sem getur spilað út á vinstri væng eða fyrir aftan framherjann. Hann er með tvöfalt ríkisfang, bandarísk og þýskt.