„Það er einfaldlega verið að murka lífið úr þessum manni á meðan við aðhöfumst ekkert“ Margrét Helga Erlingsdóttir skrifar 25. nóvember 2019 15:21 Kristinn Hrafnsson, ritstjóri WikiLeaks, hefur miklar áhyggjur af Julian Assange, stofnanda Wikileaks og þekkir hann ekki lengur fyrir sama mann vegna þeirrar meðferðar sem hann hefur sætt. Vísir/Vilhelm „Hann hefur horast, honum hefur hrakað. Ég þekki hann ekki fyrir sama mann. Þetta er maður sem hægt var að ræða við um öll heimsmál, eitilskarpur hugsuður sem á stundum erfitt með að klára setningar á verstu stundum í dag.“ Með þessum hætti lýsir Kristinn Hrafnsson, ritstjóri WikiLeaks, vini sínum Julian Assange, stofnanda WikiLeaks sem situr á bakvið lás og slá í Belmarsh-öryggisfangelsinu í Lundúnum. Sér hvernig lífið fjarar úr augum hans Yfir sextíu læknar, frá hinum ýmsu löndum, hafa skrifað undir opið bréf þar sem lýst er yfir alvarlegum áhyggjum af heilsufari Assange. Læknarnir óttast að með þessu áframhaldi muni hann láta lífið í fangelsinu. Breska dagblaðið The Guardian birti bréf læknanna sem er jafnframt áskorun á innanríkisráðherra Bretlands um að færa Assange úr fangelsinu og á háskólasjúkrahús í borginni. Læknarnir byggja mat sitt á átakanlegum vitnisburði þeirra sem sáu Assange þegar hann var leiddur fyrir dómara í október síðastliðnum en einnig á skýrslu um pyntingar sem Nils Melzer gerði fyrir Sameinuðu þjóðirnar. Í skýrslunni er fullyrt að skeytingarleysið og ofbeldið sem Assange sé beittur í fangelsinu gæti kostað hann lífið, fyrr en síðar. „Þessi yfirlýsing er tímabær og ekki úr lausu lofti gripin. Það hefur legið fyrir lengi að heilsu Julians Assange hefur hrakað mikið. Það hefur verið deginum ljósara fyrir okkur sem höfum setið í réttarsal og aðra sem hafa séð honum bregða fyrir þar, hvernig heilsu hans hefur hrakað.“ Kristinn hefur sjálfur heimsótt Assange í öryggisfangelsið. „Ég líð fyrir það að sjá hvernig lífið er að fjara út í augum þessa manns. Þetta er ekkert annað en skandall. Hann er í varðhaldi en honum er haldið í mesta öryggisfangelsi Bretlands og undir kringumstæðum sem eru ómannúðlegar og allt gert af fangelsisyfirvöldum til að gera honum lífið hvað óbærilegast,“ segir Kristinn. Assange var afhentur breskum yfirvöldum í apríl þegar Ekvadorar afturkölluðu hæli sem hann hafði notið hjá þeim. Nú er hann í öryggisfangelsinu Belmarsh í Lundúnum.Vísir/EPA Hann segir framsalskröfu Bandaríkjanna vera pólitíska ofsókn af verstu sort. Hún sé ekki bara árás á Assange persónulega heldur árás á blaðamennsku. „Það sem þessir læknar eru að gera er að gera kröfu um mannúð sem við teljum okkur standa fyrir hér á Vesturlöndum en gagnrýnum oft önnur ríki fyrir að sinna ekki nægilega. Bretar hafa sett af stað átak til að berjast fyrir frjálsri blaðamennsku í heiminum en á sama tíma situr einn afkastamesti og áhrifamesti blaðamaður heimsins í þeirra eigin fangelsi. Þetta er hræsni og þessu hefur verið mótmælt af alþjóðasamtökum, mörgum hverjum, og þarna eru þessir læknar að draga fram þá staðreynd að það er einfaldlega verið að murka lífið úr þessum manni á meðan við aðhöfumst ekkert.“ Taglhnýtingsháttur gagnvart Trump-stjórninni Aðspurður hvort hann teldi ekki að áskorun lækanna hefði þýðingu og hvort yfirlýsingin myndi ekki höfða til samvisku stjórnvalda í Bretlandi svarar Kristinn því til að hann myndi ætla það. „En maður myndi líka ætla það að bresk yfirvöld myndu til að mynda hlýða og taka mark á stofnunum Sameinuðu þjóðanna sem hafa ályktað núna í mörg ár að ástandið á Assange sé fullkomlega á ábyrgð breskra stjórnvalda og eigi þar að bregðast við, leysa úr og borga honum bætur fyrir,“ segir Kristinn sem hélt áfram. „Maður myndi ætla það að þegar fulltrúi Sameinuðu þjóðanna í málefnum pyntinga tekur svo afdráttarlaust af skarið um að hann hafi aldrei á sínum 20 ára ferli séð aðra eins meðferð á einstaklingi í vestrænu lýðræðisríki að þá myndu stjórnvöld bregðast við. Þetta hefur allt saman verið hundsað.“ Kristinn tók mið af orðum bresks dómara sem sagði að úrskurðir Sameinuðu þjóðanna hefðu ekkert gildi í sínum réttarsal. Kristinn sagði að þetta væri enn eitt dæmið þar sem verið sé að þenja út mörkin. „Verið er að brjóta niður norm alþjóðalaga og samstöðu um gildi. Það virðist öllu mega fórna fyrir þessa ofstækisfullu aðför að Julian Assange og WikiLeaks.“ Spilar það inn í hversu valdamikil bandaríska þjóðin er og hversu mikil ítök hún hefur í Evrópu? „Vitaskuld spilar það inn í. Það er náttúrulega ástæðan fyrir því að svo hefur fram farið í Bretlandi. Þar er taglhnýtingshátturinn gagnvart Trump-stjórninni slíkur að manni sundlar. Þetta er einungis gert til að þjónkast við þessa hagsmuni bandarískra stjórnvalda í þessu ofstæki sem ég hef lýst,“ segir Kristinn. Bretland Fjölmiðlar WikiLeaks Mál Julians Assange Tengdar fréttir Segja Assange svo veikan að hann „gæti dáið í fangelsi“ Yfir sextíu læknar hafa skrifað undir opið bréf þar sem þeir lýsa yfir alvarlegum áhyggjum af heilsufari Julians Assange, stofnanda Wikileaks, sem situr nú í öryggisfangelsi í Lundúnum. 25. nóvember 2019 08:09 Mest lesið Tók hnífinn með af því að honum fannst hann „töff“ Innlent Þórður Snær mun ekki taka þingsæti Innlent Kosningavaktin: Íslendingar ganga að kjörborðinu Innlent Tíu ungbörn létust og sextán særðust í eldsvoða á nýburadeild Erlent Viðbrögð við ákvörðun Þórðar: „Þetta er mikil synd“ Innlent „Ég hafna þessari gagnrýni algjörlega“ Innlent Rússar segja til hvers annars líkt og á tímum Stalíns Erlent Segir fund ráðherra og lögreglustjóra til marks um spillingu Innlent Taldi vegið að æru sinni innan hundaræktarsamfélagsins Innlent Ný geðdeildarbygging utan Hringbrautarlóðar Innlent Fleiri fréttir Viðbrögð við ákvörðun Þórðar: „Þetta er mikil synd“ Meirihluti telur stjórnvöld gera of lítið til að draga úr losun Lyfjapokar úr gömlum gardínum og borðdúkum á Selfossi „Þessi ákvörðun var tekin að frumkvæði Þórðar“ Staðan ólík því sem sést í Bandaríkjunum enda fylgið á fleygiferð #ÉgKýs: Kosningafundur ungs fólks „Ég hafna þessari gagnrýni algjörlega“ Þórður Snær mun ekki taka þingsæti Ráðherra hafnar gagnrýni og óvissa um tónleika á Hvalasafninu Samningur undirritaður um augnlækningar á Austurlandi Þingmaður Pírata vill í kærunefnd útlendingamála Segir fund ráðherra og lögreglustjóra til marks um spillingu Ný geðdeildarbygging utan Hringbrautarlóðar Milljónir ekki komið til Íslands þótt þær gætu það Tók hnífinn með af því að honum fannst hann „töff“ Taldi vegið að æru sinni innan hundaræktarsamfélagsins Vill að borgin útbúi skýrar leiðbeiningar svo fleiri geti farið sömu leið og Arion Kolefnisgjald hækkað en um minna en til stóð „Ég er ekkert búin að læra“ Hófu frumkvæðisathugun á aðkomu Jóns í ráðuneytinu Rýnt í kannanir og tendrun jólatrés í Hafnarfirði Alma verði heilbrigðisráðherra í stjórn Kristrúnar Rjúfa tólf vikna múrinn við rannsókn í Neskaupstað Skorar á fólk að dvelja heilan dag á kaffistofu Samhjálpar Húsfélag sektaði íbúa um 10 þúsund vegna of lélegra sameignarþrifa Hér eru „þessar elskur“ Hærra kolefnisgjald og minna til nýja Landspítalans vegna frestunar kílómetragjalds Fjárlögin áfram rædd í dag og styttist í þinglok Bein útsending: Frambjóðendur tala við nemendur Allar landamærastöðvar efldar og þeim mögulega fækkað Sjá meira
„Hann hefur horast, honum hefur hrakað. Ég þekki hann ekki fyrir sama mann. Þetta er maður sem hægt var að ræða við um öll heimsmál, eitilskarpur hugsuður sem á stundum erfitt með að klára setningar á verstu stundum í dag.“ Með þessum hætti lýsir Kristinn Hrafnsson, ritstjóri WikiLeaks, vini sínum Julian Assange, stofnanda WikiLeaks sem situr á bakvið lás og slá í Belmarsh-öryggisfangelsinu í Lundúnum. Sér hvernig lífið fjarar úr augum hans Yfir sextíu læknar, frá hinum ýmsu löndum, hafa skrifað undir opið bréf þar sem lýst er yfir alvarlegum áhyggjum af heilsufari Assange. Læknarnir óttast að með þessu áframhaldi muni hann láta lífið í fangelsinu. Breska dagblaðið The Guardian birti bréf læknanna sem er jafnframt áskorun á innanríkisráðherra Bretlands um að færa Assange úr fangelsinu og á háskólasjúkrahús í borginni. Læknarnir byggja mat sitt á átakanlegum vitnisburði þeirra sem sáu Assange þegar hann var leiddur fyrir dómara í október síðastliðnum en einnig á skýrslu um pyntingar sem Nils Melzer gerði fyrir Sameinuðu þjóðirnar. Í skýrslunni er fullyrt að skeytingarleysið og ofbeldið sem Assange sé beittur í fangelsinu gæti kostað hann lífið, fyrr en síðar. „Þessi yfirlýsing er tímabær og ekki úr lausu lofti gripin. Það hefur legið fyrir lengi að heilsu Julians Assange hefur hrakað mikið. Það hefur verið deginum ljósara fyrir okkur sem höfum setið í réttarsal og aðra sem hafa séð honum bregða fyrir þar, hvernig heilsu hans hefur hrakað.“ Kristinn hefur sjálfur heimsótt Assange í öryggisfangelsið. „Ég líð fyrir það að sjá hvernig lífið er að fjara út í augum þessa manns. Þetta er ekkert annað en skandall. Hann er í varðhaldi en honum er haldið í mesta öryggisfangelsi Bretlands og undir kringumstæðum sem eru ómannúðlegar og allt gert af fangelsisyfirvöldum til að gera honum lífið hvað óbærilegast,“ segir Kristinn. Assange var afhentur breskum yfirvöldum í apríl þegar Ekvadorar afturkölluðu hæli sem hann hafði notið hjá þeim. Nú er hann í öryggisfangelsinu Belmarsh í Lundúnum.Vísir/EPA Hann segir framsalskröfu Bandaríkjanna vera pólitíska ofsókn af verstu sort. Hún sé ekki bara árás á Assange persónulega heldur árás á blaðamennsku. „Það sem þessir læknar eru að gera er að gera kröfu um mannúð sem við teljum okkur standa fyrir hér á Vesturlöndum en gagnrýnum oft önnur ríki fyrir að sinna ekki nægilega. Bretar hafa sett af stað átak til að berjast fyrir frjálsri blaðamennsku í heiminum en á sama tíma situr einn afkastamesti og áhrifamesti blaðamaður heimsins í þeirra eigin fangelsi. Þetta er hræsni og þessu hefur verið mótmælt af alþjóðasamtökum, mörgum hverjum, og þarna eru þessir læknar að draga fram þá staðreynd að það er einfaldlega verið að murka lífið úr þessum manni á meðan við aðhöfumst ekkert.“ Taglhnýtingsháttur gagnvart Trump-stjórninni Aðspurður hvort hann teldi ekki að áskorun lækanna hefði þýðingu og hvort yfirlýsingin myndi ekki höfða til samvisku stjórnvalda í Bretlandi svarar Kristinn því til að hann myndi ætla það. „En maður myndi líka ætla það að bresk yfirvöld myndu til að mynda hlýða og taka mark á stofnunum Sameinuðu þjóðanna sem hafa ályktað núna í mörg ár að ástandið á Assange sé fullkomlega á ábyrgð breskra stjórnvalda og eigi þar að bregðast við, leysa úr og borga honum bætur fyrir,“ segir Kristinn sem hélt áfram. „Maður myndi ætla það að þegar fulltrúi Sameinuðu þjóðanna í málefnum pyntinga tekur svo afdráttarlaust af skarið um að hann hafi aldrei á sínum 20 ára ferli séð aðra eins meðferð á einstaklingi í vestrænu lýðræðisríki að þá myndu stjórnvöld bregðast við. Þetta hefur allt saman verið hundsað.“ Kristinn tók mið af orðum bresks dómara sem sagði að úrskurðir Sameinuðu þjóðanna hefðu ekkert gildi í sínum réttarsal. Kristinn sagði að þetta væri enn eitt dæmið þar sem verið sé að þenja út mörkin. „Verið er að brjóta niður norm alþjóðalaga og samstöðu um gildi. Það virðist öllu mega fórna fyrir þessa ofstækisfullu aðför að Julian Assange og WikiLeaks.“ Spilar það inn í hversu valdamikil bandaríska þjóðin er og hversu mikil ítök hún hefur í Evrópu? „Vitaskuld spilar það inn í. Það er náttúrulega ástæðan fyrir því að svo hefur fram farið í Bretlandi. Þar er taglhnýtingshátturinn gagnvart Trump-stjórninni slíkur að manni sundlar. Þetta er einungis gert til að þjónkast við þessa hagsmuni bandarískra stjórnvalda í þessu ofstæki sem ég hef lýst,“ segir Kristinn.
Bretland Fjölmiðlar WikiLeaks Mál Julians Assange Tengdar fréttir Segja Assange svo veikan að hann „gæti dáið í fangelsi“ Yfir sextíu læknar hafa skrifað undir opið bréf þar sem þeir lýsa yfir alvarlegum áhyggjum af heilsufari Julians Assange, stofnanda Wikileaks, sem situr nú í öryggisfangelsi í Lundúnum. 25. nóvember 2019 08:09 Mest lesið Tók hnífinn með af því að honum fannst hann „töff“ Innlent Þórður Snær mun ekki taka þingsæti Innlent Kosningavaktin: Íslendingar ganga að kjörborðinu Innlent Tíu ungbörn létust og sextán særðust í eldsvoða á nýburadeild Erlent Viðbrögð við ákvörðun Þórðar: „Þetta er mikil synd“ Innlent „Ég hafna þessari gagnrýni algjörlega“ Innlent Rússar segja til hvers annars líkt og á tímum Stalíns Erlent Segir fund ráðherra og lögreglustjóra til marks um spillingu Innlent Taldi vegið að æru sinni innan hundaræktarsamfélagsins Innlent Ný geðdeildarbygging utan Hringbrautarlóðar Innlent Fleiri fréttir Viðbrögð við ákvörðun Þórðar: „Þetta er mikil synd“ Meirihluti telur stjórnvöld gera of lítið til að draga úr losun Lyfjapokar úr gömlum gardínum og borðdúkum á Selfossi „Þessi ákvörðun var tekin að frumkvæði Þórðar“ Staðan ólík því sem sést í Bandaríkjunum enda fylgið á fleygiferð #ÉgKýs: Kosningafundur ungs fólks „Ég hafna þessari gagnrýni algjörlega“ Þórður Snær mun ekki taka þingsæti Ráðherra hafnar gagnrýni og óvissa um tónleika á Hvalasafninu Samningur undirritaður um augnlækningar á Austurlandi Þingmaður Pírata vill í kærunefnd útlendingamála Segir fund ráðherra og lögreglustjóra til marks um spillingu Ný geðdeildarbygging utan Hringbrautarlóðar Milljónir ekki komið til Íslands þótt þær gætu það Tók hnífinn með af því að honum fannst hann „töff“ Taldi vegið að æru sinni innan hundaræktarsamfélagsins Vill að borgin útbúi skýrar leiðbeiningar svo fleiri geti farið sömu leið og Arion Kolefnisgjald hækkað en um minna en til stóð „Ég er ekkert búin að læra“ Hófu frumkvæðisathugun á aðkomu Jóns í ráðuneytinu Rýnt í kannanir og tendrun jólatrés í Hafnarfirði Alma verði heilbrigðisráðherra í stjórn Kristrúnar Rjúfa tólf vikna múrinn við rannsókn í Neskaupstað Skorar á fólk að dvelja heilan dag á kaffistofu Samhjálpar Húsfélag sektaði íbúa um 10 þúsund vegna of lélegra sameignarþrifa Hér eru „þessar elskur“ Hærra kolefnisgjald og minna til nýja Landspítalans vegna frestunar kílómetragjalds Fjárlögin áfram rædd í dag og styttist í þinglok Bein útsending: Frambjóðendur tala við nemendur Allar landamærastöðvar efldar og þeim mögulega fækkað Sjá meira
Segja Assange svo veikan að hann „gæti dáið í fangelsi“ Yfir sextíu læknar hafa skrifað undir opið bréf þar sem þeir lýsa yfir alvarlegum áhyggjum af heilsufari Julians Assange, stofnanda Wikileaks, sem situr nú í öryggisfangelsi í Lundúnum. 25. nóvember 2019 08:09