Conor sprangar um á bossanum | Myndband

Írinn Conor McGregor sat fyrir nakinn á dögunum fyrir Body Issue-tímaritið sem ESPN gefur út.

Blaðið kemur út í lok vikunnar og ESPN er byrjað að espa lesendur upp með klippum úr myndatökunum.

Fjöldi þekktra íþróttamanna prýðir síður blaðsins á hverju ári og selst það vel. Flottar, smekklegar myndir af nöktum íþróttamönnum.

Ekki endilega alltaf af íþróttamönnum í toppformi því hinn 170 kílóa NFL-leikmaður Vince Wilfork er á meðal þeirra sem sitja fyrir í ár.

Hér má sjá myndskeið af Conor þar sem hann er að æfa nakinn fyrir framan myndavélarnar.