400 miðar til sölu á morgun

6100 miðar hafa verið seldir á stórleik FH og Stjörnunnar í Pepsi-deild karla á laugardaginn.

Eftir standa 400 miðar sem verða til sölu á morgun. Miðasalan á Kaplakrikavelli opnar klukkan níu í fyrramálið.

Allir miðarnir sem eru eftir eru á græna svæðið en frekari upplýsingar um sætaskiptan má finna hér. Engin miðasala verður á leikdag líkt og hefur komið fram áður.

Stjörnumenn fengu 1900 miða til að selja sínum stuðningsmönnum en skiluðu FH-ingum 300 miðum til baka í dag.