Golf

Fréttir og úrslit úr heimi golfsins.

Íslendingarnir úr leik

Íslensku kylfingarnir þrír sem í tóku þátt í fyrsta stigi úrtökumóta evrópsku mótaraðarinnar í golfi á Englandi eru allir úr leik eftir þrjá hringi, en leikið var á Carden Park vellinum.

Sport 22. september 2005 00:01

Heimsliðið yfir í Forsetabikarnum

Heimsliðið hefur góða forystu gegn liði Bandaríkjamanna í forsetabikarnum í golfi eftir fyrsta keppnisdag, en leikið er í Virginíu. Heimsliðið er með 3,5 vinninga gegn 2,5 vinningum Bandaríkjamanna.

Sport 22. september 2005 00:01

Keppnin um forsetabikarinn í golfi hefst í kvöld í Virginíu í Bandaríkjunum og verður fylgst með mótinu í beinni útsendingu á sjónvarpsstöðinni Sýn. Bandarísku keppendurnir eru staðráðnir í að vinna sigur í keppninni til heiðurs fyrirliða sínum Jack Nicklaus, en þetta er síðasta árið sem hann keppir sem atvinnumaður.

Sport 22. september 2005 00:01

Sveiflan var ekki að virka

Ólafur Már Sigurðsson, kylfingur úr GR, lék annan hringinn á 74 höggum eða 2 yfir pari á úrtökumóti fyrir evrópsku mótaröðina á Carden Park-vellinum í Englandi í gær. Ólafur Már lék fyrsta hringinn á 71 höggi og er samanlagt á einu höggi yfir pari.

Sport 21. september 2005 00:01

Búa sig undir Forsetabikarinn

Níu af ellefu bestu kylfingum heims undirbúa sig af krafti fyrir Forsetabikarinn sem hefst á morgun í Virgínu í Bandaríkjunum en þar mætast heimamenn og heimsúrval kylfinga utan Evrópu. Í liði Bandaríkjanna eru m.a. Tiger Woods og Phil Mickelson en í heimsliðinu eru m.a. Vijay Singh, Michael Campbell og Retief Goosen.

Sport 21. september 2005 00:01

Ólafur Már á einu undir pari

Kylfingurinn Ólafur Már Sigurðsson úr GR lék á einu höggi undir pari á fyrsta degi úrtökumótsins fyrir Evrópsku mótaröðina í golfi í gær. Hann er ásamt nokkrum í 27. sæti en þetta er fyrsta stig af þremur til að komast á Evróputúrinn.

Sport 21. september 2005 00:01

Birgir Leifur varð ellefti

Birgir Leifur Hafþórsson stóð sig mjög vel á Rotterdam-mótinu í golfi og varð í 11. sæti ásamt Englendingum Sam Walker á fjórum höggum undir pari. Ólöf María Jónsdóttir varð í 40.-45. sæti á Evrópumóti kvenna í Hollandi sem lauk um helgina. Hún lék á ellefu höggum yfir pari.

Sport 19. september 2005 00:01

PGA: Nýliðinn Gore vann

Jason Gore sigraði á Lumber Classic golfmótinu sem lauk í Framington í Pennsylvaníu í gær. Gore, sem er nýliði í PGA-mótaröðinni, lék á 14 höggum undir pari. Annar, höggi á eftir, varð Paragvæinn Carlos Franco. Jason Gore er 31 árs og vann sér keppnisrétt í PGA-mótaröðinni í síðasta mánuði.

Sport 19. september 2005 00:01

Birgir fer á kostum í Rotterdam

Birgir Leifur Hafþórsson hefur farið á kostum á lokadegi Rotterdam-mótsins í áskorandamótaröð Evrópu í golfi í morgun. Birgir Leifur fékk fjóra fugla á fyrstu sex holunum og er nú búinn að leika tólf. Hann er fjóra undir pari í dag en samtals á tveimur undir pari. Hann er í þrettánda til nítjánda sæti sem stendur.

Sport 18. september 2005 00:01

Spenna á Wentworth

Nú stendur yfir úrslitaleikurinn á heimsmótinu í golfi á Wentworth-vellinum á Englandi. Nýsjálendingurinn Michael Campbell og Írinn Paul McGinley berjast um sigurinn. Campbell var einni holu yfir eftir 14. Sigurvegarinn fær í sinn hlut rúmlega 110 milljónir króna.

Sport 18. september 2005 00:01

Jason Gore efstur á Lumber Classic

Bandaríkjamaðurinn Jason Gore hefur tveggja högga forystu á Lumber Classic mótinu í bandarísku mótaröðinni í golfi eftir 54 holur. Gore hefur aldrei unnið sigur í mótaröðinni lék á 67 höggum í gær og er samtals á 12 höggum undir pari fyrir lokahringinn í kvöld.

Sport 18. september 2005 00:01

Lokadagur á NM í golfi

Nú stendur yfir lokadagurinn á Norðurlandamótinu í golfi í Noregi. Heiðar Davíð Bragason berst um sigurinn í einstaklingskeppninni og er aðeins einu höggi á eftir Kim Kristoferson frá Noregi. Karlalandsliðið er í fjórða sæti höggi á eftir Finnum. Kvennalandsliðið er í þriðja sæti eftir fína spilamennsku í gær. Pilta- og stúlknalið Íslands eru í neðsta sæti á mótinu.

Sport 18. september 2005 00:01

Ólöf María á tíu yfir pari

Ólöf María Jónsdóttir er á einum yfir pari í dag eftir sex holur á atvinnumannamóti í Hollandi en hún komst í gegnum niðurskurðinn í gær. Hún er samtals á tíu höggum yfir pari og er þessa stundina í 41.til 45.sæti.

Sport 18. september 2005 00:01

Goosen undir gegn Campbell

Undanúrslitarimmurnar á heimsmótinu í golfi á Wenworth-vellinum á Englandi eru í fullum gangi. Retief Goosen frá Suður-Afríku burstaði andstæðinga sína fyrstu tvo dagana er þessa stundina að tapa stórt fyrir bandaríska meistaranum frá Nýja-Sjálandi Michael Campbell. Goosen er fimm holum undir eftir 18 holur í morgun. Írinn Paul Mccginley er þremur holum yfir eftir 18 gegn Argentínumanninum Angel Cabrera.

Sport 17. september 2005 00:01

Ólöf á níu yfir pari í Hollandi

Ólöf María Jónsdóttir lék fyrsta hringinn á atvinnumannamóti í Hollandi á 79 höggum, sjö yfir pari. Hún er tvo yfir pari í dag eftir 12 holur og er samtals á 9 höggum yfir pari í 58. sæti til 68.

Sport 17. september 2005 00:01

Toms á góðum batavegi

Bandaríkjamaðurinn David Toms sem hné niður í fyrradag á Lumber Classic mótinu í bandarísku mótaröðinni í golfi er kominn af sjúkrahúsi og stefnir að því að spila í Forsetabikarnum um næstu helgi. Toms kvartaði yfir verk í brjósti og örum hjartslætti en er á góðum batavegi.

Sport 17. september 2005 00:01

Birgir Leifur í 43.-46. sæti

Birgir Leifur Hafþórsson er tvo yfir pari eftir tólf holur í dag á þriðja keppnisdegi á Rotterdam-mótinu í áskorendamótaröð Evrópu. Hann er sem stendur í 43. til 46.sæti tvo yfir pari samtals.

Sport 17. september 2005 00:01

Heiðar Davíð efstur á NM

Heiðar Davíð Bragason er í fyrsta sæti ásamt Svía í einstaklingskeppni á Norðurlandamótinu í golfi sem hófst í gær í Osló. Karlalandsliðið er í 3. sæti á 14 yfir pari en kvennaliðið í því fjórða, en Ragnhildur Sigurðardóttir er í fimmta sæti í einstaklingskeppninni. Annar keppnisdagur hófst í morgun og hægt er að fylgjast með gangi mála á kylfingur.is

Sport 17. september 2005 00:01

David Toms hné niður á golfmóti

Einn þekktasti kylfingur Bandaríkjanna, David Toms, hné niður á golfvellinum í gær þegar hann var leika fyrsta hring sinn á Lumber Classic mótinu í bandarísku mótaröðinni í golfi. Toms kvartaði yfir verk í brjósti og örum hjartslætti og var fluttur á sjúkrahús. Líðan hans er góð og hann er ekki í lífshættu eins og óttast var í fyrstu.

Sport 16. september 2005 00:01

Átta eftir í Wentworth

Nú stendur yfir heimsmótið í holukeppni á Wentworth-vellinum á Englandi. Átta kylfingar eru eftir en mótið hófst í gær. Retief Goosen frá S-Afríku er níu holum yfir gegn Ástralanum Mark Hensby eftir 18 holur en kylfingarnir leika 36 holur ef með þarf.

Sport 16. september 2005 00:01

Norðurlandamót í golfi í Osló

Norðurlandamótið í golfi hófst í morgun í Osló í Noregi. Íslendingar tefla fram 16 kylfingum í fjórum flokkum, pilta- og stúlknaliði og karla- og kvennalið. Hægt er að fylgjast með gangi mála á kylfingur.is.

Sport 16. september 2005 00:01

Birgir í 19.-31. sæti í Rotterdam

Birgir Leifur Hafþórsson er í 19. til 31 sæti á Rotterdam-mótinu í áskorendamótaröð Evrópu í golfi. Birgir Leifur lék fyrsta hring sinn í gær á 71 höggi, einu undir pari. Birgir Leifur hóf annan hring sinn rétt í þessu.

Sport 16. september 2005 00:01

Fréttir af íslenskum kylfingum

Íslenskir golfarar stóðu í ströngu um víðan völl í dag. Birgir Leifur Hafþórsson lék annan hring á Rotterdam mótinu í golfi á pari í dag og kemst að öllum líkindum áfram á mótinu. Ólöf María Jónsdóttir hefur leikið níu holur á KLM-mótinu í Hollandi og er á fjórum höggum yfir pari.

Sport 16. september 2005 00:01

Birgir Leifur á tveimur undir

Birgir Leifur Hafþórsson, kylfingur úr GKG, hóf í dag keppni á áskorendamóti í Rotterdam í Hollandi. Birgir Leifur var tveimur höggum undir pari eftir níu holur.

Sport 15. september 2005 00:01

Evrópska mótaröðin í Þorlákshöfn

Stórhuga golfáhugamenn með Margeir Vilhjálmsson, framkvæmdastjóri Golfklúbbs Reykjavíkur í broddi fylkingar, hafa stofnað nýtt félag, Golf ehf., sem undirbýr byggingu golfvallar á heimsmælikvarða í Þorlákshöfn. Þegar er búið að skrifa undir viljayfirlýsingu við sveitarfélagið Ölfus um leigu á 300 hektara svæði við Þorlákshöfn undir völlinn.

Sport 15. september 2005 00:01

Bandaríkin sigruðu í Solheim-bikar

Kvennalið Bandaríkjanna í golfi endurheimti Solheim-bikarinn af Evrópuúrvalinu í gærkvöld. Jafnt var fyrir lokadaginn, 8-8, en bandarísku stúlkurnar voru sterkari og unnu með 15 og hálfum vinningi gegn 12 og hálfum. Þetta var sjötti sigur Bandaríkjanna í Solheim-bikarnum en liðið hefur aldrei tapað á heimavelli.

Sport 12. september 2005 00:01

Calcavecchia sigraði í Kanada

Bandaríkjamaðurinn Mark Calcavecchia vann fyrsta sigur sinn í fjögur ár í bandarísku mótaröðinni í golfi þegar hann hrósaði sigri á Opna kanadíska mótinu sem lauk í gærkvöldi. Calcavecchia lék samtals á 275 höggum, fimm undir pari, en landar hans, Ben Crane og Ryan Moore, voru jafnir í öðru sæti aðeins einu höggi á eftir.

Sport 12. september 2005 00:01

Mest lesið