Smá­hýsin frá BYKO eru vin­sæll val­kostur fyrir hvaða til­efni sem er

„Húsin eru framleidd af BITUS í Lettlandi en við höfum átt farsælt samstarf saman síðan 2005 í framleiðslu á húsum og húseiningum,“ segir German Castillo, sölustjóri Húsadeildar hjá BYKO. 

„BITUS er þekkt fyrir að framleiða hágæða hús og húseiningar sem eru sérstaklega hönnuð og framleidd fyrir íslenskar aðstæður. Stærðir smáhýsanna geta verið allt frá litlum sex fermetra geymsluskúrum upp í stærri einingar sem geta verið allt að 43 fm sem eitt hús eða nokkrum einingum raðað saman og er þá stærðin án takmarkana. Þessi breidd gerir BYKO kleift að mæta þörfum bæði einstaklinga, fyrirtækja og ferðaþjónustuaðila.“

Varanlegt og traust húsnæði fyrir erfiðar íslenskar aðstæður

Einn stærsti kostur smáhýsanna frá BYKO er að þau koma fullfrágengin, sem sparar kaupendum mikinn tíma og fyrirhöfn segir German. „Þar að auki eru húsin smíðuð við bestu aðstæður innandyra, af reyndum smiðum sem hafa mikla reynslu í framleiðslu húsa sem tryggir gæði og langa endingu. Að auki hefur BYKO mikla reynslu í framleiðslu þessara húsa, sem tryggir að öll hönnun og handbragð er af hæsta gæðaflokki.“

Hann segir húsin hönnuð til að standast íslenska byggingarreglugerð og hafa gluggar og annað efni í húsin m.a. fengið tilheyrandi vottanir. „Gluggarnir frá BYKO hafa sem dæmi nýlega farið í gegnum samþykktarferli og staðist það með glæsibrag hjá HMS. Þetta gerir smáhýsin frá BYKO að áreiðanlegri lausn fyrir þá sem vilja varanlegt og traust húsnæði fyrir erfiðar íslenskar aðstæður.“

Fjölbreyttur hópur viðskiptavina

Það er fjölbreyttur hópur viðskiptavina sem leitar til BYKO. „Hingað koma til dæmis fjölskyldur sem kaupa smáhýsi til að útbúa aukaherbergi í garðinum sínum eða til að bæta gestahúsi við sumarhúsið sitt.“ Ferðaþjónustuaðilar leita einnig í auknum mæli til BYKO. „Þá eru smáhýsin gjarnan notuð sem auka gistirými eða þeir eru að leita eftir heilu þyrpingunum af húsum sem leigð eru út til ferðamanna. Þessi fjölbreytileiki í framleiðslu okkar gerir smáhýsin frá BYKO að vinsælum valkosti fyrir hvaða tilefni sem er.“

Sveigjanlegt ferli við uppsetningu

Ferlið við kaup á smáhýsi/einingum frá BYKO er sveigjanlegt og býður upp á tvær leiðir. „Annars vegar geta viðskiptavinir valið hús úr bæklingi og pantað það nánast óbreytt. Hins vegar er hægt að koma með eigin hugmyndir eða teikningar og BYKO útfærir og framleiðir húsið í samráði við kaupandann.“

Þá aðstoðar BYKO kaupendur við val á bestu aðferðinni við að koma húsunum á endanlegan verkstað. „Það fer eftir stærð, gerð og staðsetningu hvaða aðferð er best hverju sinni. BYKO getur aðstoðað kaupendur við val á verktökum við uppsetningu húsanna, einnig er algengt að kaupendur hafi eigin verktaka til að annast uppsetningu og allan frágang.“

Áframhaldandi vöxtur framundan

Hann er bjartsýnn á framhaldið og segir BYKO sjá fram á áframhaldandi vöxt í sölu smáhýsa. „Á undanförnum árum hefur sala á smáhýsum aukist verulega enda hafa fleiri séð kostina við að fá fullbúið hús sem er tilbúið til notkunar við afhendingu. Með áframhaldandi vinsældum þessa lausna er líklegt að þessi vöxtur haldi áfram enda kostirnir og möguleikarnir margir við þessa lausn á húsbyggingum.“

Dæmi um verkefni sem var að klárast

„Ferðaþjónustufyrirtækið Blue Vacations kom til okkar í vetur með ákveðnar hugmyndir af húsum sem þau vildu reisa í Torfastaðaheiði við Reykholt. Í samstarfi við BYKO voru hönnuð hús sem uppfylltu þarfir þeirra og hófst framleiðslan strax í vor og lauk með uppsetningu núna í júlí.“

 Húsin eru vel heppnuð og útfærð þannig að ein gerðin (76 m²) er sett saman úr tveimur kubbum og hin húsgerðin (38 m²) er ein eining. „Báðar gerðirnar komu fullbúnar á verkstað, einungis eftir að tengja þau saman (76 m² húsið) og ganga frá rafmagni, hitaveitu, vatnsinntaki og fráveitu.“

Til að nálgast frekari upplýsingar og fá tilboð hafið samband við sérfræðinga BYKO:

Sigurjón Þórhallsson - [email protected]

German Castillo, sölustjóri - [email protected]