Fyrsta rokklag ársins?

Jaðarrokk tríóið Suð undirbýr nú útkomu sinnar fjórðu breiðskífu sem mun bera heitið “Save the Swimmers” og er væntanleg á fyrra hluta ársins. Fyrsta smáskífan af nýju plötunni var rokkhundurinn, Made sem kom út 12. nóvember s.l. Lagið Made hefur fengið glimrandi góðar viðtökur og komst í 2.sæti á vinsældarlista X-Dominos listans í desember og sat í4.sæti listans fyrir jól.

Suð gefur nú út aðra smáskífu af væntanlegri breiðskífu. Lagið heitir Freak Out þar sem leitað er á kunnugar slóðir með grípandi og melódísku indírokki eins og sveitin er þekkt fyrir. Þess má geta að öll nýju lögin verða á ensku en Suð hefur hingað til gefið út mest allt sitt efni á íslensku.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í [email protected].