Nú kætist Krummi 20. ágúst 2005 00:01 Hrafn Gunnlaugsson kvikmyndaleikstjóri brosir væntanlega breitt þessa dagana. Borgarfulltrúar í höfuðborginni keppast nú við að kynna til sögunnar hugmyndir og tillögur í ætt við þær sem má sjá í fimm ára gamalli heimildarmynd hans "Reykjavík í öðru ljósi", þar sem hann útfærði á sjónrænan hátt ýmsar hugmyndir um framtíðarskipulag á höfuðborgarsvæðinu, þar á meðal byggð á eyjunum úti fyrir strönd borgarinnar, byggingar í Hljómskálagarðinum og umfram allt flugvöll á Lönguskerjum sem myndi opna fyrir byggð í Vatnsmýrinni. Og borgarbúar brosa örugglega langflestir með Hrafni. Eftir að hafa þurft að búa við kliðinn af ófrumlegri og staglgjarnri umræðu stóru fylkinganna í borginni í alltof langan tíma berast nú nýir og frísklegri tónar úr Ráðhúsinu. Auðvitað hafa kosningarnar, sem eru framundan næsta vor, sitt að segja í þessum efnum en ekki er óvarlegt að ætla að þessi skyndilegi hugmyndakippur um skipulag Reykjavíkur sé líka ákveðið viðbragð kjörinna fulltrúa í borgarstjórn við samtíma sínum. Það er mikill og vaxandi áhugi meðal borgarbúa um hvernig Reykjavík á að þróast. Hingað til hefur stefnan verið að byggja út á við, það er að segja að þenja sífellt út flatarmál borgarinnar og fjarlægjast þar með upprunalega miðju hennar. Sú stefna virðist vera að breytast. Bæði tillögur sjálfstæðismanna um byggð á landfyllingum og eyjunum úti fyrir ströndinni og frumkvæði R-listans í þá veru að losa um byggingaland í Vatnsmýrinni eru merki um stefnubreytingu í þá veru að nú eigi að byggja borgina upp innan frá. Þetta er mikið fagnaðarefni. Hugmyndir um flutning Reykjavíkurflugvallar eru enn á algjöru frumstigi en samkvæmt fyrstu fréttum virðast þær loks vera komnar upp úr hjólförum flokkspólitíkurinnar. Þó fyrr hefði verið. Staðsetning Reykjavíkurflugvallar er alltof mikið alvörumál til að vera reipitog milli sjálfstæðismanna í ríkisstjórninni og R-listafólks í borginni. Ekki skiptir minna máli að þeir sem hafa mestan hag af því að flugvöllurinn sé innan borgarmarkanna, FL Group og dótturfélagið hafa lýst yfir að á þeim bæ verði skoðað með opnum hug að færa völlinn. Full ástæða er til að hrósa Degi B. Eggertssyni, formanni skipulagsráðs Reykjavíkur, fyrir að koma málinu á þennan rekspöl á síðustu metrum R-listans í borgarstjórn. Ef kapallinn gengur upp og flugvöllurinn fer út á Löngusker á endanum er það ólíkt huggulegri arfleið í skipulagi borgarinnar en hin nýja Hringbraut, þetta sjö akreina ferlíki sem hlykkjast um Vatnsmýrina. Viltu birta grein á Vísi? Sendu okkur póst. Senda grein Fastir pennar Jón Kaldal Mest lesið „Hvenær var þetta samtal við þjóðina tekið?“ spurði garðyrkjubóndinn Halla Hrund Logadóttir Skoðun Ert þú með geðsjúkdóm? Mjög líklega... Gísli Hvanndal Jakobsson Skoðun Við þekkjum öll einn alkóhólista - hættum að stinga höfðinu í sandinn Bryndís Rós Morrison Skoðun Sjálfstæðisflokkurinn vill afnema skyldu til jafnlaunavottunar! Diljá Mist Einarsdóttir Skoðun Vinnum gullið án klósettpappírs Ásmundur Einar Daðason Skoðun Missum ekki af orkuskiptalestinni Tómas Þór Þórðarson Skoðun Stjórnskipunar- og eftirlitsnefnd á ekki að vera leikhús Hildur Sverrisdóttir Skoðun Umbreyting á einni nóttu – Þegar öryrki verður að ellilífeyrisþega Guðmundur Ingi Kristinsson Skoðun Flokkur fólksins er tilbúinn í ríkisstjórn! Lilja Rafney Magnúsdóttir Skoðun Lítið að frétta í lífi án frétta á landsbyggðunum Skúli Bragi Geirdal Skoðun
Hrafn Gunnlaugsson kvikmyndaleikstjóri brosir væntanlega breitt þessa dagana. Borgarfulltrúar í höfuðborginni keppast nú við að kynna til sögunnar hugmyndir og tillögur í ætt við þær sem má sjá í fimm ára gamalli heimildarmynd hans "Reykjavík í öðru ljósi", þar sem hann útfærði á sjónrænan hátt ýmsar hugmyndir um framtíðarskipulag á höfuðborgarsvæðinu, þar á meðal byggð á eyjunum úti fyrir strönd borgarinnar, byggingar í Hljómskálagarðinum og umfram allt flugvöll á Lönguskerjum sem myndi opna fyrir byggð í Vatnsmýrinni. Og borgarbúar brosa örugglega langflestir með Hrafni. Eftir að hafa þurft að búa við kliðinn af ófrumlegri og staglgjarnri umræðu stóru fylkinganna í borginni í alltof langan tíma berast nú nýir og frísklegri tónar úr Ráðhúsinu. Auðvitað hafa kosningarnar, sem eru framundan næsta vor, sitt að segja í þessum efnum en ekki er óvarlegt að ætla að þessi skyndilegi hugmyndakippur um skipulag Reykjavíkur sé líka ákveðið viðbragð kjörinna fulltrúa í borgarstjórn við samtíma sínum. Það er mikill og vaxandi áhugi meðal borgarbúa um hvernig Reykjavík á að þróast. Hingað til hefur stefnan verið að byggja út á við, það er að segja að þenja sífellt út flatarmál borgarinnar og fjarlægjast þar með upprunalega miðju hennar. Sú stefna virðist vera að breytast. Bæði tillögur sjálfstæðismanna um byggð á landfyllingum og eyjunum úti fyrir ströndinni og frumkvæði R-listans í þá veru að losa um byggingaland í Vatnsmýrinni eru merki um stefnubreytingu í þá veru að nú eigi að byggja borgina upp innan frá. Þetta er mikið fagnaðarefni. Hugmyndir um flutning Reykjavíkurflugvallar eru enn á algjöru frumstigi en samkvæmt fyrstu fréttum virðast þær loks vera komnar upp úr hjólförum flokkspólitíkurinnar. Þó fyrr hefði verið. Staðsetning Reykjavíkurflugvallar er alltof mikið alvörumál til að vera reipitog milli sjálfstæðismanna í ríkisstjórninni og R-listafólks í borginni. Ekki skiptir minna máli að þeir sem hafa mestan hag af því að flugvöllurinn sé innan borgarmarkanna, FL Group og dótturfélagið hafa lýst yfir að á þeim bæ verði skoðað með opnum hug að færa völlinn. Full ástæða er til að hrósa Degi B. Eggertssyni, formanni skipulagsráðs Reykjavíkur, fyrir að koma málinu á þennan rekspöl á síðustu metrum R-listans í borgarstjórn. Ef kapallinn gengur upp og flugvöllurinn fer út á Löngusker á endanum er það ólíkt huggulegri arfleið í skipulagi borgarinnar en hin nýja Hringbraut, þetta sjö akreina ferlíki sem hlykkjast um Vatnsmýrina.
Umbreyting á einni nóttu – Þegar öryrki verður að ellilífeyrisþega Guðmundur Ingi Kristinsson Skoðun
Umbreyting á einni nóttu – Þegar öryrki verður að ellilífeyrisþega Guðmundur Ingi Kristinsson Skoðun