Táningur hjá Leicester fótbrotnaði

Craig Levin, knattspyrnustjóri Leicester á Englandi, er æfur út í Bobo Balde, varnarmann Celtic, en hann átti einhverja ljótustu tæklingu síðastu ára í æfingaleik liðanna í gær sem varð til þess að táningurinn James Wesolowski fótbrotnaði mjög illa. "Þetta var ógeðslegt, skammarleg og viljandi," sagði Levin eftir leikinn en hann var nálægt því að ráðast á Balde. "Ég verð mjög vonsvikinn ef að hann biðst ekki afsökunar á þessum viðbjóði sem hann gerði. Upptaka af þessum leik er á leiðinni til enska knattspyrnusambandsins og ég hef ekki trú á öðru en að þeir taki hart á málinu," segir Levin.